Հարց. Որո՞նք են եօթ մահացու մեղքերը:
Պատասխան.
«Եօթ մահացու մեղքերը» մի ցանկ էր, որ վաղ քրիստոնէական ուսուցման մէջ օգտագործւում էր եկեղեցու հետեւորդներին սովորեցնելու եւ խրատելու անկեալ մարդու մեղանչական հակուածութեան վերաբերեալ: Եօթ «մահացու» մեղքերի շուրջ թիւրիմացութիւնն այն է, թէ իբր այնպիսի մեղքեր են, որոնք Աստուած չի ներելու: Աստուածաշունչը պարզ ասում է, որ միակ մեղքը, որ Աստուած չի ներելու, յարատեւ անհաւատութիւնն է, որովհետեւ անհաւատութիւնը մերժում է թողութիւն գտնելու միակ միջոցը՝ Յիսուս Քրիստոսին եւ Նրա փոխանորդ մահը խաչի վրայ:
Արդեօ՞ք եօթ մահացու մեղքերի գաղափարը սուրբգրային է: Այո եւ ոչ: Առակաց 6.16-19-ը ասում է.
Վեց բանից Տէրը զզւում է, եւ Նրա Հոգու առջեւ եօթ բան պիղծ է: 1) Ամբարտաւան աչքերը, 2) ստախօս լեզուն, 3) անմեղ արիւն թափող ձեռքերը, 4) չար խորհուրդ հնարող սիրտը, 5) չարագործութեան վազող ոտքերը, 6) ստութիւն խօսող անիրաւ վկան եւ 7) եղբայրների մէջ կռիւ գցողը
Այս ցանկը, սակայն, այն չէ, ինչ մարդկանց մեծ մասը հասկանում է իբրեւ եօթ մահացու մեղքեր:
Ըստ Գրիգորիս Մեծ Պապի (6-րդ դար)՝ եօթ մահացու մեղքերը հետեւեալն են. հպարտութիւնը, նախանձը, որկրամոլութիւնը, ցանկասիրութիւնը, բարկութիւնը, ընչաքաղցութիւնը եւ ծուլութիւնը: Թուարկուածները թէեւ բոլորն էլ, անկասկած, մեղքեր են, բայց Աստուածաշունչը երբեւէ «եօթ մահացու մեղքեր» չի բնորոշում սրանք: Եօթ մահացու մեղքերի աւանդական ցանկը կարող է գործածուել որպէս գոյութիւն ունեցող զանազան մեղքերի լաւ դասակարգիչ: Գրեթէ իւրաքանչիր մեղք կարելի է տեղադրել այս եօթ դասերից որեւէ մէկի տակ: Շատ աւելի կարեւոր է իմանալ, որ այս մահացու մեղքերը աւելի «մահացու» չեն, քան որեւէ այլ մեղք: Բոլոր մեղքերի արդիւնքն էլ մահ է (Հռոմայեցիս 6.23):
Որովհետեւ մեղքի վարձքը մահն է. բայց Աստուծոյ շնորհքը՝ յաւիտենական կեանք՝ մեր Տէր Յիսուս Քրիստոսի ձեռովը։ (Հռոմայեցիս 6.23)
Փա՜ռք Աստուծոյ, որ մեր բոլոր մեղքերը, ներառեալ «եօթ մահացու մեղքերը», կարող են ներուել Յիսուս Քրիստոսով:
Որովհետեւ այդ է իմ արիւնը ն նոր ուխտի, շ որ թափվում է շատերի համար ’ի թողութիւն մեղաց։ (Մատթէոս 26.28)
Բոլոր մարգարէները վկայութիւն են տալիս նորա մասին, փ որ նորա անունովը մեղքերի թողութիւն կ’առնէ ամեն նորան հաւատացողը։ (Գործք Առաքելոց 10.43)
Որով ունինք փրկութիւնը նորա արիւնովը՝ մեղքերի թողութիւնը կ իր շնորհքի մեծութեան չափովը. (Եփեսացիս 1.7)
Աղբյուրը: GotQuesitons
- Հարցեր
Արդեօ՞ք Աստուածաշունչը իսկապէս Աստուծոյ Խօսքն է:
Արդեօ՞ք Աստուածաշունչը իսկապէս Աստուծոյ Խօսքն է: Պատասխան. Այս հարցի պատասխանը ոչ միայն ներկայացնում է մեր դիրքը Աստուածաշնչի հանդէպ եւ նրա նշանակութիւնը մեր …
Յիսուս Աստուա՞ծ է: Յիսուս երբեւէ ասե՞լ է, որ Աստուած է:
Հարց. Յիսուս Աստուա՞ծ է: Յիսուս երբեւէ ասե՞լ է, որ Աստուած է: Պատասխան. Աստուածաշնչում որեւէ տեղ գրուած չէ, որ Յիսուս ասի՝ «Ես Աստուած …
